sinan ali
عدد المساهمات : 102 تاريخ التسجيل : 17/12/2007
| موضوع: غربه وشجن الجمعة فبراير 01, 2008 4:17 am | |
| إحساس البعيد الشوق ولهفة عودة للمرسى وعنوان الغريب الخوف من المجهول بيندسة وأنا المحروق بنار الشوق وعايش الغربة في المرسى أفتش عن ملاذ عينيك وأحاول للهموم أنسى سألت عليك مداين الشوق بويتاتا البدن منك سألت عليك حروف الصمت جاوبنى السكات عنك سألت عليك نسيم الليل تردد بى عميق فنك وهز الشوق رسم فينى ملامح زول وقف هز الهجير يهتف بلدنا السمحة ما بتنفات بلدنا السمحة ما بتنفات كان قلبت صبحا سواد مابتنفات وكان سقت الفرح آهات مابتنفات جمال ليليا جروف نيلا وعرق تربال ينادى على بنية بنكهة التيراب مساديلا وينقط في التراب مشتاق يغنيلا حلاة بلدى وحلاة نيلا وحاتك يابلد صابرين ومتماسكين بآلامك وحاتك يابلد صابرين وماهدتنا اسقامك الجار الزمن ختاها فوق صدرك بعد لامك ومهما جارت الأيام برضو مكانك القمة وكل الفيك من احزان أمواج من مدى الطوفان وبكرة تبخروا الهمة ونرجع تانى لى جواك وفى واديك نتلمة عمل متواضع أهدية لكل المشاركين في المنتدى | |
|